Ака  уйăхĕн  21-мĕшĕнче  шкулти  «И.Я. Яковлев – чăваш  халăхне  çутта  кăлараканĕ»  кĕнекесен  выставки  уçăлчĕ.  Шкулти  ачасем  Т. Андреева  библиотекарь  пулăшнипе выставкăра  вырнаçтарнă  кĕнекесемпе  интересленсе  паллашаççĕ,  илсе  вулаççĕ.

     Кунта  И. Яковлевăн  «Утăра»,   «Уçăлма  тухнă  шăши  çури», «Чăваш  халăхне»  (халал), «Çитĕннĕ  вăхăт»;   «Ача-пăча  сăмахлăхĕ»  тата  автобиографиллĕ  произведенисем нумай.   Çакăнтах    Н.Г. Краснов  профессорăн  И. Яковлев  çинчен  çырнă  статьисемпе материалĕсем  питĕ  нумай.  Кĕнеке  выставки  ачасене  «çутта  кăларакан»,  «ăс паракан»,  «пирĕн  ырă  çыннăмăр»  И.Я. Яковлев  ячĕ  чăваш  халăхĕшен  хисеплĕ  те чыслă  пулнине  çирĕплетсе  парать.

     Ачасем  И. Яковлев  çĕнĕ  çырулăх  йĕркеленине,   ăса  вĕрентекен  кĕске  калавсем çырнине,  Чĕмпĕр  чăваш  шкулĕ  уçнине,  Чĕмпĕр  шкулĕнчен  вĕренсе  тухнă  нумай паллă  çынсем   тата  вĕрентекенĕмĕр  çинчен  нумай  кирлине  пĕлчĕç.